ümumi məlumat
Bakıda “Hop On Hop Off” avtobus turu ilə cəmi 1,5 saata 25 km-lik marşrut boyunca şəhərin bütün əsas görməli yerləri ilə tanış olmaq mümkündür. Bu turun əsas xüsusiyyəti səkkiz dildə — Azərbaycan, rus, ingilis, alman, fransız, fars, italyan və yapon dillərində təqdim olunan audiobələdçidir. Biletin qiymətinə Bakının turistik yerləri haqqında əlavə məlumatları rahatlıqla dinləmək üçün qulaqlıqlar da daxildir. Avtobus hər dayanacaqda iki-üç dəqiqə gözləyir və bu zaman tur iştirakçıları şəkil çəkdirə bilərlər. Əgər bir ərazini daha ətraflı tanımaq istəyirsinizsə, avtobusdan enib bir saat sonra növbəti avtobusda şəhərətrafı səyahətinizə davam edə bilərsiniz.
Əlavə məlumat:
Başlanğıc nöqtəsi: Azadlıq meydanı, “Park Bulvar” TM-in yanı (və ya 15 dayanacağın istənilən birində)
İş vaxtı: hər gün 11:20-dən 16:40-dək
Əcnəbi vətəndaşlar üçün: 30 AZN (12 yaşdan yuxarı); 15 AZN (4-11 yaş)
Yerli vətəndaşlar üçün: 5 AZN (12 yaşdan yuxarı); 2 AZN (4-11 yaş)
+99499 710 2710
Biletlər alındığı andan etibarən 24 saat ərzində etibarlıdır.
